Ni 16.3.2019 (Inrinni) tlai dar 5:00Pm khan Addl. CEO, Pu Krishna Mohan uppu IAS hovin Siaha District Election official te chuan  kan hma lawka MP(Lok sabha-2019) Election lo awm tura  Siaha district inpuahchah dan te leh hmalakna tur hmabak la awmte thlirhona meeting nei a ni.

Meeting-ah hian Addl.CEO Pu Uppu chuan thu sawiin, Siaha District chu  nikum a MLA inthlanna neih takah pawh khan Pol- Star, SVEEP leh  Election Template siam-ah te in hmingtha hle a. Tun tum MP(Lok Sabha-2019) inthlanna kan hmachhawn leh turah pawh hian CEO office chuan inlak beiseina sang tak a nei a ni, a ti a.

Pu Uppu chuan ECI in Election atan  Apps dang dang tlangzarh teuh tawh  a. Mahse  Election official te leh mipui te hian kan la  ngaihsak tawk lovin, kan la hmang tangkai tawk lo hle a ni, a ti.  He mi kawngah hian tan kan lak lehzual a ngai  hle a ni, a ti. Election-a sum kan hman hi, mipui sum a nih tih hriat reng tur a ni, a hlei-a- hluak a kan hman chuan a tuartu tur chu mipui bawk kan ni ang. Chuvangin a inrenchen theih ang bera inthlanna kalpui hi election official tin ten kan tum tlat tur a ni, a ti bawk. 

Pu Krishna Mohan Uppu chuan Apps dang dang kan hman hian document pawimawh leh record pawimawh tam tak Digital in kan dahtha tihna a ni a. Election kaihhhnuai Apps   hrang hrang download leh hmanna kawngah tunaia nasa zawka ke in pen a ngai a ni, a ti. A tlangpui thu-ah chuan Siaha District in MP inthlanna atana a inpuahchah dan chu tha  thawkhat hle in Pu Uppu hian a hriatthu a tarlang bawk.

Siaha District  DEO PuBhupesh Chaudhary chuan Addl. CEO Pu Krishna Mohun Uppu in MP(Lok Sabha-2019) inthlanna a kan inpuahchah dan te a hmun ngeihah min lo hmu puia,  eng thilah nge tan kan lakzual  ngai tihte leh thurawn tha tak tak min pek avangin kan lawm tak zet a. A thurawn tha tak tak chu zawm ngei kan tum theuh vang a ti.

Meeting-ah Pu Krishna Mohan Uppu hi Kumar Abhisek,  OSD CEO office in Aizawl atangin a lo tawiawm a. 

Meeting-ah hian  election official mawhphurhna lianzual kengkawhtu Nodal officer te, Sector officer te leh sawmbik te an telkim hle a ni.

Attachment

  • Loading attachment...