Lawngtlai District Election Officer (DEO) Pi Shashanka Ala, IAS chuan Lawngtlai District khawchhak lam khaw kilkhawr ber ber tlawhin, Member of Parliament (Lok Sabha) Inthlanpui 2019 lo awm tur atana inbuatsaihna hrang hrang leh polling station dinhmun te a enfiah.

Lawngtlai DEO, Bawrhsap ni bawk Pi Shashanka Ala hian vawiin khan India leh Myanmar ramri bul khua Pangkhua a tlawh a, vohbik voter-te'n nuam taka vote an thlak theih nana polling station-a ṭhutthleng nawrlirh nawr luh theiha siam a nih dan an endik a. Bualpui NG khawlai pawh kea fangin, democracy ram kutpui lian ber MP Inthlanpui 2019-a vote thlak ṭheuh turin khawtlang mipui leh kohhran hruaitute a fuih bawk.

DEO kaihhruaina hnuaiah hian Lawngtlai District chu felfai taka MP Inthlanpui hmachhawn tur leh buatsaih turin tha tawpin an inpuahchah chho mek a ni.

Attachment

  • Loading attachment...