1543/2025-2026
Lawngtlai, 23rd September, 2025 : Vawiin khan Dr. Lorrain Lalpekliana Chinzah, Adviser to Chief Minister (Health & Family Welfare, Agriculture & Farmers' Welfare) leh Lawngtlai East bialtu MLA nibawk chuan Lawngtlai DC Office tlawhin, Pu Donny Lalruatsanga, Deputy Commissioner, nen inkawmna an nei.

Dr. Lorrain Lalpekliana Chinzah, chuan ram leh hnam hmasawnna turin mipuite thleng phaka hnathawh a pawimawh hle tih tarlangin, hemi kawngah hian thawhho thiam a pawimawh tak zet a ni, a ti a. Mipuite tan a rawnbawl kawngah inpuih tawnna tha a awm a tul thu tarlangin, a theihna kawng apianga inpuih tawn turin Bawrhsap leh a thawhpuite a sawm a ni. A bik takin Department hrang hranga thawktu indaihlohna a hriatthiampui tih tarlangin, theihtawp a chhuah reng thu a tarlang. Lawngtlai District - in hmasawnna tur kawng hrang hrang a neihte inhrilhhriat tawn leh chumi atana thawk tura ke pen ho a tul thu a sawi a. Adviser to Chief Minister chuan mipuite tana theihtawp chhuahho turin Bawrhsap leh a thawhpuite a ngen nghal bawk.

Pu Donny Lalruatsanga chuan sawrkar hmalakna hrang hrang leh hmachhawp te report pek na an nei a. Lawngtlai District- hmasawnna leh changkanna turin sawrkar department - te an pawimawh hle tih sawiin, hemi kawngah hian Department hrang hrangte thawhho thiam a tul hle a ti. Sawrkar chauh ni lovin, NGO, Kohhran leh mipuite pawhin tih theih an nei vek tih tarlangin, thawhhona tha tak neih a pawimawh thu a sawi a. Bawrhsap chuan Lawngtlai District- hmasawnna tura District Administration - ten theihtawp an chhuah reng thu sawiin, hma lam hunah pawh tha thlah lova an thawh tur thu a tarlang nghal a ni.

Vawiin inkawmnaah hian Pu David Lalrinawma, Addl. DC leh Pi Margaret J. Vanlalremmawii, SDO (S) te an tel thei bawk a ni.