Vawiin khan Mamit District chhunga Administrative Officer( AO) atana ruat mi 43 te tan D.C Conference Hall, Mamitah Pi Lalbiaksangi District Bawrhsap kaihhruaina in training neih a ni.

Training-ah hian Nov thla-a Reang (Bru) lakletna tura AO te mawhphurhna leh hruaikir te lo dawnsawn dan tur leh buaipuina tura hriattur hrang hrangte in hrilhhriat a ni a, Administrative Officer te hi mawhphurhna hrang hrang pek niin Reang (Bru ) lo let te hi an awmna tur khua theuhah an mahni dinhmun chiang taka hria-in lo dawng sawng tura tih an ni a. V.C te nena in rawn tlangin Village Level Resettlement Committee dinin hetah hian convener niin D.C hnenah hriattir leh tura tih an ni, khawtlang hruaitute te nena in be rawn zelin an awmna tur khua theuhvah hian in hmun an theh anga heng hi thumvawr hmangin an sem leh ang. Harsatna a awm a nih chuan AO te hian D.C hnenah hriattir leh tura tih an ni.

Repatriation kalpui a nih hma in Administrative Officer te hian Community Hall ah emaw hmun remchang laiah Tempory shelter siam tura tih niin hetianga hmun remchang saksa a awm loh chuan khawtlangte nen tangrualin temporary shelter hi D.C be rawn in AO te hian ruahmanna an siam ang.

Heng bakah hian hruaikirte eitur buatsaih kawngah khawchhunga NGO's te phungbawma sawmin an lo siam sak ang, Reang ( Bru ) te hruaikir hna kalpui a nih hmain eitur dahkhawmna tur hmun lo buatsaih tura tih an ni bawk. Free Ration Committee an kaihruaina hnuaiah din tura tih an ni a, committee ah hian BCC aiawh 2 leh Reang (Bru) rawn let te atangin aiawh 3 tel tura tih an ni bawk. An hriselna lam thuah uluka taka ngaihven tura tih an ni a, enkawl ngai an awm chuan thuneitute lam hriattir vat tura tih an ni bawk.

Training-ah hian Mamit District chhunga Administrative Officer ( AO) te an tel tha hle a ni.