Vawiin chawhma dar 11:30Am khan District Industries Centre, Siaha hnuaia 40-Palak Cluster leh 39-Siaha Cluster hnuaia NLUP tanpuina dawngtu Beneficiaries mi 163 te hnenah NLUP tanpuina sem a ni.

Vawiin NLUP semna Programme hi Pu KH. Beithie, IPO Scheme Officer chuan a kaihruaia, Pu Lalrokhawma, General Manager, DIC, Siaha chuan khuallian niin he NLUP semna Programme hi a hmanpui a ni.

District Industries Centre, Siaha hnuaia Trade hrang hrang thlangtu mi 163 te hnenah 3rd Phase 2nd Installment sem a ni a, 39-Siaha Cluster hnuaia Tailoring Trade thlangtu mi 16 te zinga mi 11 te hnenah tanpuina Rs. 21480/- theuh leh mi 5 te hnenah Puanthuina khawl sem a ni a, Petty Trade thlangtu mi 87 leh Destop Publishing thlangtu mi 16 te hnenah 50,000/- theuh sem an nih bakah Automobile Works & Motor Works thlangtu mi 2 te hnenah Rs. 49,000/- ve ve pek an ni a, Video & Photography thlangtu mi 6 te hnenah Rs. 50,000/- theuh sem an ni bawk. Hair Cutting thlangtu mi 1 hnenah Rs. 50,000/- pek niin, Beauty Parlour thlangtu mi 1 hnenah Rs. 47,000/- pek a nih bakah Bakery Trade thlangtu mi 1 hnenah tanpuina Rs. 44,000/- pek a ni bawk.

40-Palak Cluster hnuai-ah NLUP tanpuina dawngtu mi 45 zinga Petty Trade thlangtu mi 36 leh Desktop Publishing thlangtu mi 4 te hnenah Rs. 50,000/- theuh pek an nih bakah Video & Photography thlangtu mi 1 hnenah Rs. 50,000/- pek niin Tailoring Trade thlangtu mi 4 te hnenah Puanthuina khawl pek an ni.

Vawiin District Industries Centre, Siaha hnuaia NLUP tanpuina 3rd Phase 2nd Installment semna-ah hian 4th Phase a Tailoring Trade thlangtu Beneficiaries 2 te hnenah Rs. 21,480/- ve ve pek an ni bawk.