Vawiin chawhma dar 10:00AM khan DC’s Conference Hall-ah kar hnih (30th Jan - 11th Feb) chhung awh tur, “Induction Training Programme, ( ITP)” hawnna inkhawm neih a ni.

He Induction Training Programme hi Group-B( Non- Gazetted officer) leh Group- C te tan a buatsaih a ni a, Administrtive Training Institute, Aizawl te buatsaih a ni. He Induction Training Programme hawnna inkhawm hi Pi Golda Dell Zohmangaihi, Associates Professor, ATI in a kaihruaia, Pu H. Lalbiakthuama , Governance & Change management Specialist leh Course Coordinator ni bawk chuan Welcome address sawina hun hmangin, Pi Harleen Kaur IAS, District Bawrhsap chu Khuallian niin he Induction Training hawnna hun hi a hmanpui bawk.

Pi Harleen kaur chuan thu sawiin, Siaha district atanga Aizawla training tura kal dawn chuan kal lam leh haw lam nen ni 3/4 lai te sen a ngai thin avangin, Training kal thei lo te kan awm phah fo thin. Hetianga kan kawtkaih-ah ngei kan district -a sawrkar hnathawk Group-B lehGroup- C te tana Training tha tak ATI in min lo chhawp hnai sak hi ka lawm tak zet a. kan Trainee te pawhin hetianga an tana hun rem chang lo in hawng hi, chhawr tangkai ngei tura an inbuatsaih ve a tul a ni, a ti. Trainee kalkhawm te chuan zelthel nan leh office atanga relrukbo nan he Induction training hi hmang lo va, thahnem ngai tak leh tihtakzeta Training hi chhima, thiamna thar leh mahni inrintawkna thar pawchhuak theuh turin a chah hlawm a ni.

Tun tumTraining hi mi 35 tan duan a ni a, tuna seat chang ve loh te tan March thla laihawl vela buatsaih leh tum a ni.