Directorate of I & PR te chuan vawiin chhun khan an mahni Auditorium-ah advent christmas hlimawm tak an hmang.

Vawiina an hun hman hi Dy. Director Pu David L. Thangliana’n a kaihruai a, thuchah Director Pu Jim K. Chozah chuan sawiin hun harsa leh vanduaina hrang hrang thleng kara an department in tluang taka kumtluan hna an thawh theih dan te, sorkar hotu lian hnung zuia hun hrang hrang an hman theih dante a tarlang a. Mizoram chhunga an department thawktu zawng zawng inpekna leh thawhhona tha tak an chhawm nung chu thil chhinchiah tlak leh chhunzawm reng tur a ni a ti. Jt. Director Pi Lalnithangi pawhin kumin chhunga he department hnuaia thawktute tumah chatuan ram pan an awm loh avanga Pathian hnena lawmthu sawina hun a hmang a ni. IPRO senior Pu Zothankunga pawhin a thusawiah department chhunga a krismas hman hnuhnung ber tur anih thu te, ‘Lei chunga a lawm em em department of I & PR chhunga mihringte hnenah remthu leng rawh se’ tia sawiin thawhhona tha leh hlawhtlinna chu remna leh muanna a ni fo thin a ti.

Vawiina he department in an hun hmanah hian in tih hlimna chi hrang hrang te, thusawi leh zaihona te a tel a ni.