Vawiin khan School Education, Industries, Trade & Commerce leh Geology & Mineral Resources Minister thar Pu H.Rohluna chuan New Secretariat Complex-ah a Office thar a luah tan. Office a luahna programe tawite hman ah hian Ramthar Veng Presbyterian Kohhran Upa, Upa C.Lalluia chuan hunserh hmangin, Pathian hnena in hlanna hun te neiin tawngtaina a nei bawk.

Pu H.Rohluna chuan he dinhmun a luah theihna chu Pathian khawngaihna leh mipui duhsakna liau liau avangin a ni a tiin Pathian kaihhruaina nen Amah rinchhanin Department a chan te chu a enkawl tur thu, Mizoram leh mipui tan theihtawp chhuah a, rawngbawl zel a tum thu a sawi bawk.

He programme a hian Pu H.Rohluna chhungkhat lainate leh a thenrual tha te an tel a ni.