Vawiin chawhma dar 11:00 a.m. khan NLUP Implementing Board (NIB) chuan an Chairman hlui, Pu R. Selthuama leh OSD NLUP Pu L.R. Laskar-te thlahna hun NIB Conference Hall-ah an nei.

Pu Selthuama chuan kum 5 chhung inpawh taka, theihtawp chhuah a mi rethei leh kuthnathawktute tan an thawhho na ah NIB Officials leh Staff te chu fakin lawmthu a sawi a, hun lokal zel turah an hnathawh na ah theihtawp chhuah zel turin a chah bawk.

NIB Chairman thar, Pu J.H. Rothuama, MLA chuan vawiin vek tlailam dar 1:30 p.m. khan a Office chu a zawm ve nghal a, NIB Officials leh Staff ten an lo thawhrimna te fakin, tunah rethei leh kuthnathawktute khai chhuah nan an thawk ho tur chu lawmawm a tih thu a sawi.

Pu Rothuama chuan rethei leh kuthnathawktute khai chhuahna hna an thawhho na turah rinawmna leh taimakna nen, uluk takin hnathawhpui ah NLUP Implementing Board Officials leh Staff te chu a sawm nghal bawk.