Directorate of Sports & Youth Services, Adventure Wing chuan ni 20 - 24 March, 2012 chhung hian Adventure Club leh School naupang tan Adventure Festival, Vaipuanho Camp ah a buatsaih dawn a, he camp ah hian Adventure Activities hrang hrang, Rappelling, Jummaring, Rock Climbing, Trekking leh Caving etc. te an tihpui ang. Adventure Festival a kal tur School naupang te leh Adventure Club hrang hrang a mite hi Minister, Sports & Youth Services Pu Zodintluanga’n naktuk ni 20 March, 2012 zing dar 7:00 ah Directorate of Sports & Youth Services Office kawt, Khatla kawn atangin a vailiam dawn a ni.

Sports & Youth Services Department hian kawng hrang hrangin Adventure Sports -ah hma ala chho mek zel a. Kumin April thla hian First North East Mt. Everest Expedition 2012 a tel turin Mizo tlangval David Zohmangaiha, Republic Veng chu khawvel a tlang sang ber Mt. Everest lawn turin Sports & Youth Services Department hian a tir dawn a ni. Tun aia nasa zawk hian Adventure Activities tih hmasawn nan Sports Department chuan hma a la mek a ni.