564/2026-2027

Dated Serchhip, the 16th May 2026: Vawiin khan Sawrkar laipui Minsitry of Defence hnuaia zirna kalpui mekna hmun pakhat  Sainik School, Chhingchhip chuan '10th Founder's Day' an hmang a, Adviser to CM Pu TBC Lalvenchhunga chuan khuallian niin hun a hmanpui a, Brigadier Pushpendar Sorayan, Commander of the 23 Sector, Assam Rifles pawhin Khualzahawm niin a telpui bawk a ni.

Pu TBC Lalvenchhunga chuan Sainik School, Chhingchhip-in an school din tan ni vawi  sawmna  '10th Founder's Day' an thleng chu a lawmpui thu sawiin, he school-a zir mek zirlai/cadets-te chu an theihna zawng zawng nena an zirlaite bei tur leh mahni inthununna  (Self-discipline) vawng  chunga  tha taka zir chhuak theuh turin a  fuih a. Nu leh pate pawh an fate tana theihtawp chhuahpui zel tura fuihin, tun CBSE Academics Session liam taa Sainik School, Chhingchhip  atanga subject hrang hranga zirlai ti thate hnenah  chawimawina a hlan nghal bawk a ni.

He hunah hian Sainik School, Chhingchhip  Principal  Col. Soumyabrata Dhar chuan sawm bikte leh zirlai nu leh pa kalkhawmte  lawmna thu sawiin, kum 2025-2026 chhunga  Sainik School chet velna 'Annual Report' tlangpui a sawi a; Sainik School Chhingchhip  Vice Principal Lt. Col Kartik Sood chuan lawmthu sawiin programme hi a khar a ni.

10th Founder's Day pual hian Sainik School zirlaite atangin Cultural Programme leh Special Items hmuhnawm leh ngaihnawm tak takte thlir ho a nih bakah 'Arts and Crafts & Science Stream' lam hawi  Exhibition ropui tak buatsaih a ni bawk a ni.