2697/2024-2025

Aizawl, the 25th October, 2024: Service Association of Mizoram Irrigation & Water Resources Technical Staff (SAMITS), General Conference tum 8-na, IWRD Chief Engineer Office Auditorium-a neih chu vawiin khan Adviser to CM (Finance & Planning) Pu TBC Lalvenchhunga, MLA chuan khuallian niin a hmanpui.

Khuallian Pu TBC Lalvenchhunga chuan Irrigation & Water Resources Department hnuaia technical staff-te chu mipui tana rawngbawl an nihna hriaa thahnemngai lehzuala thawk zel turin a fuih a. Tanrualna leh thawhhona tha tak an neihte chhawmnung zel tur leh rilru thar pua ram leh hnam tana ngaihtuahna seng zel turin a chah a. Khawvel hmasawn leh changkang zel mila insiamrem thiam zel tur leh, Information & Technology lamah pawh mite ruala pen ve zel tum turin a chah a. Technical lama theihna leh ruahmanna siam kawngah hmasawn zel a pawimawh thu sawiin, hmalakna kawng tin rengah tum mumal tak neia thawhhona tha tak chhawmnun a tul thu a sawi a. Data neih angte uluk taka zirchianga hemi mila ruahmanna siam a tul thu leh data dik takte chu hmalakna behchhana hman a tul thu a sawi bawk. 

SAMITS General Conference hi an pawl Adviser Er. Lalrotluanga, Chief Engineer chuan kaihruaiin Gen. Secretary Pu Remsangpuia leh Treasurer Pi Nukungi te hnen atangin report ngaihthlak a ni a. Member thar lawmluhna hun leh member boral sunna neih a ni a. Er. Beizawzi T Azyu, SE & Adviser-in lawmthu sawiin hun hman thawh khatna a khar a. Chawhnu lamah an pawl President Er. K. Hamlet, Sr. EE kaihhruaiin rorel inkhawm neih a ni a, 2024-2026 chhunga pawl hruaitu tur an thlang nghal a ni.