2581/2024-2025

Kolasib: Dated the 17th October, 2024: Kolasib District a Hortoki khua-ah vawk engemaw zat a thi tawh a, Vawk thi sample lak atangin African Swine Fever (ASF) a ni tih finfiah ani a. He hri hì a darh zel loh nan dan chah a ngai a. He hri hmuhna hmun hi Infected Area a puan a tul a avangin Dr. Lalsanglien Ralsun, District A.H. & Vety. Officer, Kolasib chuan The Prevention & Control of Infectious and Contagious Disease in Animal Act 2009 Section 20-in thuneihna a pek angin, he hri hmuhna hmun Hortoki khua hi vawiin 17th October, 2024 atanga thu leh awm hma chu Vawk hri lenna hmun Infected Area a ni tih a puang e.

Infected area chhungah hian hengte hi zawm ngei tur a ni.

1. Infected area chhungah Vawk dam tha lai leh dam lo talh khap tlat a ni.

2. Infected area atangin, Vawk, Vawksa, Vawksa rep leh vawksa atanga thil siam reng reng lakchhuah khap tlat a ni.

3. Vawk thi reng reng paih mi lovin thuk takah chinai nen phum tur a ni.

4. Vawk thi reng reng Vety Department ah report ngei ngei tur a ni.

5. Hri darh zel tur ven nan Vawk suat duh ten A.H & Vety. Department Kolasib ah dilna an thehlut tur a ni.