2581/2024-2025

Dated Saitual : the 17th Oct 2024 : Vawiin chawhnu dar 1:00 pm khan DC Conference Room, Saitualah District Agricultural Marketing Committee vawi 1-na thukhawmna neih a ni a, District Bawrhsap Dr. Lalngura Tlau chuan he thutkhawm hi a kaihruai a ni.

Thutkhawm kaihruaitu Dr. Lalngura Tlau chuan District Agriculture marketing Committee hmasa ber an thu thei chu lawmawm a tih thu sawiin sawrkar ministry tharin thlai thar pali-sawhthing, aieng, mizo hmarcha leh hmunphiahte kalpui a tum dan a sawifiah a, hmalakna tur hrang hrangte sawi zuiin thlai thar rate hre saa loneituten hma an laka sawrkar-in support price a pek theih chuan din hmun sang leh tha zawkah an inhlangkai thei ang a, mitinin an chhawr thei dawn ni a ti.

He thutkhawmah hian thlai thar hralh dan tur chungchanga Saitual District chhunga khaw hrang hrang 44-te atangin FPOs/FPCss/SHGs rin zui theih turte thlirho a ni a, chung zingah chuan Sawrkar Flagship - Hand Holding Policy hnuaia District Horticulture Office in village wise multi-purpose farming/co-operative societies din tawh 44 a rawn rawtna chu pawm a ni. Heng bakah hian Secondary Collection Centre atana district chhunga warehouse, godown leh market sheds awmsa te rin ni se tih a ni a, chung zingah chuan Khanpui-210 metric ton, Mualpheng-210 metric ton, Keifang-210 metric ton, Saitual (F&CS godown) - 300 metric ton, Hliappui (MOVDC)-210 metric ton lengte rin zui tura rel a ni. Tin, thlai thar hralh sen loh tihralna tur processing unit din dan turte sawi zui a ni a, chumi atana hmunhma ngaihtuah chungchangte, society 44-te tana chairman leh secretary-te training neih dan turte sawiho a ni.

Vawiin thutkhawmah hian Pu SK Das, District Co-Opearative Society Officer bakah line department aiawhte an tel a ni.