3855/2022-2023
Kolasib: Dated the 16th March, 2023: African Swine Fever (ASF) leng mek chu Kolasib Districtah ziaawm lam a pan ni a hriat a ni a, amaherawhchu hmun thenkhatah he hri hi a la reh fello ni a hriat a ni. He hri hlauhawm tak laka mipuite kan him tlan zel theih nan a hnuaia mi ang hian District Magistrate, Kolasib District chuan thupek a chhuah.
1. Ram dang leh State dang atangin vawk leh vawksa rep Kolasib District chhungah lakluh khap tlat a ni.
2. ASF len lohna State-a APEDA in a pawmpui Farm atangin vawksa atanga siam (Frozen Pork) lak phal a ni. Amaherawhchu, SOP zawm chungin Director, AH&Vety Department phalna lak hmasak tur a ni.
3. Infected Area puan tawhna hmuna ASF avanga vawk thi, thlakhat chhung a awm tawh loh naah vawk talh leh sa zawrh phal a ni.
4. Mizoram District chhunga ASF hri len lohna District te inkarah vawk leh vawksa lak pawlh theih a ni ang.
5. Vawk damlo reng reng talh leh hralh khap tlat a ni.
6. Vawk thi reng reng chinai nen thuk taka phum tur a ni.
7. Vawk thi an awmin, AH & Vety a thawktute hnenah report tur a ni.
He thupek hian chhuah anih atanga ni 60 chhung a huam anga, dan bawhchhia an awm chuan Section 188 IPC hmangin hrem an ni ang.
He thupek hi ni 14 March, 2023 khan Court Seal nen nemnghetin hming a ziak hnan a ni.
