120/2025-2026
Siaha the 9th April 2025:
ORDER
District AH & Vety. Officer, Siaha District, Siaha hnen atanga hriattirna kan hmuh angin tun dinhmunah Siaha Khawpui chhung veng hrang hrangah Vawk thi engemawzat a awm a, heng vawk te hi Diseases Investigation Laboratory, Aizawl leh NERDDL, Guwahati, Assam-ah te African Swine Fever (ASF) avanga thi an ni tih finfiah (confirm) a ni tawh a, Siaha Khawpui chu infected Area a puan a lo nita a ni.
Siaha District huamchhunga khaw hrang hranga kan Vawk te hi hri laka an lo him theih nan leh hrileng mek hi danchah a nih theih nan khuahkhirhna thupek Date: 15/03/2025-a Order chhuah chu tih danglam a thupek chhuah chhunzawm a lo tul ta a ni.
Chuvangin, kei, VL. HRUAIZELA KHIANGTE, DISTRICT MAGISTRATE, SIAHA DISTRICT, hian Section 163 of Bharatiya Nagarik Suraksha Sanhita, 2023-in thuneihna min pek angin, hetiang hian thupek ka chhuah e.
1. Siaha District huamchhungah Ram dang, State dang leh District dang atangin Vawk, Vawksa leh Vawksa atanga eitur siam chi reng reng lakluh khap tlat a ni.
2. Siaha District huamchhunga African Swine Fever (ASF) hri lenna hmun (Infected Area) atangin Vawk, Vawksa leh Vawksa atanga eitur siam chi reng reng lakchhuah /lakluh khap tlat a ni.
3. Siaha District huamchhung, khua leh khua inkar ah Vawk, Vawksa leh Vawksa atanga eitur siam chi reng reng inlak pawh tawn khap tlat a ni.
4. Vawk damlo reng reng talh khap tlat ani a, Vawk damlo chu dah hran vat tur a ni.
5. Vawk damlo nei te'n a ranglamin District Vety Hospital emaw mahni khua/veng VFA/VC/Task Force te hnenah hriattir vat tur a ni.
6. Vawk thi leh suat (culled) tur nei te chuan AH & Vety Department ah in report ngei ngei tur ani. Vawk thi leh suat te reng reng chu paih mai lovin Disinfectants, Chinai, Bleaching etc. nen thuk taka phum tur ani. Mahni compound a phumna tur nei te chuan mahni compound ah phum mai ni se.
Phumna tur neilo chuan khawtlang hruaitu te'n phumna tur a a siam ah phum tur a ni.
7. Infected Area ni lo ah chuan vawk hrisel talh duh an awm chuan Rapid Test Kit a Negative te Soundness Certificate nei te khawtlang hruaitute hriatpuina in an talh thei ang.
Hemi dan bawhchhetute chu Section 223 of Bharatiya Nyaya Sanhita, 2023 hmanga na taka hrem an ni ang.
He thupek hian chhuah a nih atanga thla hnih (2) chhung a huam ang.
He thupek hi nemnghetin vawiin ni 09th April, 2025 hian hming ka ziah hnan e.
