2018/2024-2025

Dated Kolasib the 12th September, 2024: Mizoram chhung District hrang hrangah African Swine Fever (ASF) hri a leng mek a, Kolasib District-ah pawh hrilenna khua awm mahse ziaawm lam a pan zel ni a hriat a ni. He hri hlauhawm tak hi a darh zel loh nan dan chah a ngai a, he hri hlauhawm tak laka vawkvulhtute leh mipuite kan him tlan zel theih nan District Magistrate, Kolasib chuan Section 163 of Bharatiya Nagarik Suraksha Sanhita, 2023 in thuneihna a pek angin a hnuaia mi ang hian thupek a chhuah.
1. Ram dang leh State dang atangin Vawk, Vawksa, Frozen Pork, Vawksa rep leh vawksa atanga siam reng reng lakluh khap tlat a ni.
2. Mizoram chhunga District dang atangin Vawk, Vawksa, Frozen Pork, Vawksa rep leh vawksa atanga siam reng reng lakluh khap tlat a ni.
3. ASF hrilenna (infected area) puanna khua atangin Vawk, Vawksa, Frozen Pork, Vawksa rep leh vawksa atanga siam reng reng lakchhuah khap tlat a ni.
4. Vawk damlo reng reng talh leh hralh khap tlat a ni. Vawk thi reng reng paih mai mai lovin thuk takah chinai nena phum bo thin tur a ni.
5. Vawk damlo leh thi an awmin, AH & Vety. Official te hnenah hriattir vat tur a ni.
6. Hri lenna hmun (ASF infected area) atanga hri a darh zel loh nan Vawk suat duh ten AH & Vety. Dept. ah dilna thehluh tur a ni.
He thupek hian chhuah anih atanga ni 60 chhung a huam ang a, dan bawhchhia an awm chuan Section 223 of Bharatiya Nyaya Sanhita, 2023 hmangin hrem an ni ang.
He thupek hi vawiin ni 12 September, 2024 hian Court Seal nen nemnghetin hming a ziak hnan a ni.