781/2026-2027
Dated: Mamit the 1st of June, 2026: Mizoram hmun hrang hrangah Vawk pul hri African Swine Fever (ASF) leng te a zia awm ta deuh a hriat a ni a. Amaherawhchu, he hri hi engtik lai pawha pung hluai thei reng anih avangin, ASF laka Mamit District kan lo him theihna turin thupek chhuah tula hriat a ni.
Chuvangin, Pu SUVIGYA S CHANDRA, IAS, District Magistrate, Mamit District chuan Section 163, Bharatiya Nagarik Suraksha Sanhita (BNSS), 2023 in thuneihna a pek angin a hnuaia mi ang hian khapna thupek a chhuah.
1) Mamit District chhungah ramdang (foreign countries) leh State dang atangin vawk, vawksa rep leh vawksa atanga siam lakluh khap tlat a ni.
2) ASF infected area/District danga ASF lenna atangin vawk, vawksa leh a rep atanga siam ei tur Mamit District chhunga lakluh khap tlat a ni.
3) Vawk neitu ten vawk damlo an hralh/talh tur a ni lo.
4) Vawk damlo nei chuan a rang thei ang berin District Veterinary Hospital-ah emaw mahni khua theuha VFA/VC te hnenah emaw an report thin tur a ni.
\5) Vawk thi reng reng Chinai thi/Bleaching Powder nen thuk taka phum tur a ni a, khamah leh ramhnuaiah paih mai mai tur a ni lo.
6) Vawk thi a awmin a neitute'n A.H & Vety Department, Mamit hriattir vat tur a ni.
He thupek bawhchhetute chu Section 223, Bharatiya Nyaya Sanhita (BNS), 2023 hmangin hrem theih an ni ang. He khapna thupek hian, tihdanglam emaw hnuhlet emaw a nih loh chuan, chhuah a nih atanga thla 2 (hnih) chhung a huam ang.
Issued by, District Information & Public Relations Office: Mamit District, MamitASF..pdfWhatsApp Image 2026-06-01 at 3.31.44 PM.jpeg
