1493/2022-2023
Kolasib: Dated the 8th August, 2022: Deputy Commissioner Kolasib chuan a hnuaia mi ang hian African Swine Fever (ASF) leng mek chungchangah thuchhuah a siam.

Tunlaiin Kolasib District chhungah African Swine Fever (ASF) a leng mek a, tualchhung vawk vulh tam tak thi a la awm chhhunzawm zel a. He natna hian kan ran vulh te leh mihring tan pawha harsatna lian thlen thei anih avangin Deputy Commissioner, Kolasib chuan Section 20 of The Prevention and Control of infectious and Contagious Diseases in Animals Act, 2019 leh, Section 144 Cr.P.C. in thuneihna a pek angin thupek a chhuah.

1. Thenawm ram (Foreign Countries), State dang leh District dang atanga vawk, vawksa, vawksa rep leh vawksa atanga eitur (frozen meat) siam reng reng lakluh leh thawnchhuah khap tlat a ni.
2. District leh district inkarah vawk leh vawksa lakluh a lakchhuah phal a ni lo. District chhunga khua leh khua pawh inlak pawlh loh tur a ni.
3. Vawk damlo reng reng talh leh hralh khap tlat ani a, vawk damlo chu dah hran vat tur a ni. Vawk thi reng reng paih mai mai lovin, thuk takah phum bo thin tur a ni.
4. Vawk talhtu ten vawk hrisel tha chauh an talh tur a ni. AH & Vety Deptt. atangin vawk hrisel leh mihring ei tlaka hrisel a ni ngei tih certify tir thin tur a ni.
5. Vawk damlo leh thi an awmin, AH & Vety Official te hneah hriattir vat tur a ni.
6. Hrileng darh zel loh nana vawk suat duh ten District tina AH & Vety Department ah dilna thehluh tur a ni.

He thupek hian chhuah anih atanga ni 60 chhung a huam anga, dan bawhchhia an awm chuan Section 188 IPC hmangin hrem an ni ang.

He thupek hi vawiin ni riat, Thlazing thla, sanghnih sawmhnih pahnih hian Court Seal nen nemnghetin hming a ziak hnan a ni.