1638/2025-2026 

Kolasib Dated, the 29^th September, 2025: Tunlai hian Kolasib District huam chhung Saipum area-ah ramsa (Sanghal) thi an hmuh thu leh zir chian a nih hnuah Swine Fever hmang a thi ngei a ni tih finfiah (confirmed) a nih thu Veterinary Officer (DI&S) Epidemiological Center Directorate of AH&Vety Mizoram hnen atangin report dawn a ni a. Section 9 of Wildlife Protection Act 1972 in ramsa thah leh tih hlum te a khap tlat bawk a. Hetiang anih avang hian mipui te kan him zawk nan leh mipui vantlang kan hriselna kan humhalh theihna tur leh kan ran vulhte (a bikin kan vawk vùlhte) an lo him theihna turin thupek chhuah a tul a.

Chuvangin, ROBERT C. LALHMANGAIHA, District Magistrate, Kolasib District, chuan Section 163 of BNSS, 2023 in thuneihna a pek angin leh Section 9 of WPA 1972 in a khap tlat angin hetiang hian thupek a chhuah:

1. Kolasib District chhunga mi tumahin ramsa an pelin an tihlum tur a ni lo.

2. Ramsa a repin emaw, a hringin emaw tumahin dan kalhin a rukin an zuar tur a ni lo.

3. Mi tumahin ramsa an lei in an ei tur a ni lo.

He thupek hi chhuah anih atanga ni 60 chhung a huam anga, dan bawhchhia an awm chuan Section 223 BNS, 2023 hmangin hrem an ni ang.

He thupek hi ni 27 September, 2025 hian Court Seal nen nemnghetin a hming a ziak hnan a ni.