1451/2023-2024
Khawzawl, 10th August 2023: Champhai District-ah African Swine Fever (ASF) natna avangin vawk engemawzat thi tawhin ‘Infected Area’ ah puan mek a ni a, he hri laka Khawzawl mipuite an fihlim theihna turin a hnuaia tarlan ang hian Khawzawl District Magistrate Pu K. Lalrohlua chuan Section 133, CrPC, 1973-in thuneihna a pek angin khuahkhirhna thupek a chhuah.
- Khawzawl District huam chhungah India ram pawn atang leh District dang atangin vawk, vawksa leh vawksa alanga siam thil reng reng lak luh leh thawn chhuah phal a ni lo.
- Tualchhung vawk talh tur reng rengin vawk hrisel tha ngei a ni tih finfiahna
Competent Authority atangin an nei ngei tur a ni. - Vawk damlo nei reng reng ten a rang thei ang berin District Vety Hospital-ah emaw VC te hnenah report thin tur a ni.
- Vawk thi reng reng paih mai lovin thuk takah phum thin tur a ni.
- Vawk neituten Vawk damlo an hralh /talh tur a ni lo.
He thupek zawm lote chu IPC Sec. 188 hmanga hrem theih an ni ang. He khapna thupek hian thupek dang tihchhuah a awm a nih loh chuan, thupek chhuah a nih atanga thlahnih chhung a huam ang. Thupek hi August ni 9,2023 atanga hman tan turin District Magistrate Seal nemin Khawzawl DC hian hming a ziah hnan a ni.
