No.4297/2021-2022
Aizawl 17th March 2022: District Magistrate, Lunglei District, Pu Kulothungan A chuan a hnuaia mi angin thupek dated 15/03/2022 a ti chhuak.
Tun dinhmunah Mizoramah African Swine Fever (ASF) chuan kian lam a pan niin hriat a ni a, amaherawhchu Mizoram hmun thenkhat ah African Swine Fever (ASF) avanga Vawk thi report a awm avangin Lunglei District chhunga African Swine Fever (ASF) darh leh mai tur ven nan a hnuaia tarlan ang hian thupek thar chhuah a tul a.
Chuvangin, Order tichhuah tawh No.C.15016/2/2020/DCL(C)/297 Dt.11th February, 2022 luahlanin kei, Kulothungan A, IAS, District Magistrate, Lunglei District hian Sec.144 of Cr.P.C. 1973 in thuneihna min pek angin a hnuaia tarlan ang hian thupek thar ka chhuah e.
1. Vawk vulh thar thawh leh tur reng rengin Vawk hri (ASF)-in a lo chenchilh tawhna hmunhma, a in leh a velte fai taka vawngin damdawi (Disinfectant) hmanga tihthianghlim fo tur a ni.
2. District dang atanga Vawk talh tur/vulh tur thu awm hma chuan lakluh khap tlat a ni.
3. District chhung khuate atanga Vawk vulh tur/talh tur Lunglei Town area-a la lut tur reng rengin an lakna khua VC/YMA hriatpuina lehkha la in an lakluhna veng VC/YMA-ah an in report thin tur a ni.
4. Ram pawn (States), ram dang (Myanmar leh Bangladesh) a Vawk lei/la lut reng rengin AH&Vety. Department, Government of Mizoram hnenah lei/lakluh phalna (Permission) an dil hmasa tur a ni.
5. Ram dang (Myanmar leh Bangladesh) leh ram chhung State dang atanga Vawk la lut turten an lak luhna Ram/State Vawk hri lakah a fihlim a ni tih tichiangtu atan Soundness Certificate leh Classical Swine Fever Vaccination Certificate en mai theih a neitu/leitu hian a nei ngei tur a ni.
6. Vawk talhna/puahna hmunhma felfai leh thianghlim taka vawn tur a ni a, vantlang hmunhma leh kawngkama talh leh puah khap tlat a ni a, hei hi veng/khua tin VC/YMA/Vawk vulh/Butcher leh Association dangte pawhin tha taka kengkawh tura beisei an ni.
He thupek hian Dt.15th March, 2022 atanga thu leh awm hma chu hman a nih atanga thla 2 (hnih) chhung a huam ang a. He thupek zawm lote chu Sec.188 of I.P.C. hmanga hrem theih an ni ang.
