815/2022-2023
District Magistrate, Lunglei District, Pu Kulothungan A chuan a hnuaia mi angin thupek dated 6/04/2022 a ti chhuak.

Tun dinhmunah Mizoram hmun thenkhatah African Swine Fever (ASF) avanga Vawk thi report a awm avangin Lunglei District chhunga African Swine Fever (ASF) darh leh mai tur venna turin a hnuaia tarlan ang hian thupek thar chhuah a tul a.

Chuvangin, Order tihchhuah tawh No.C.15016/2/2020/DCL(C)9 DL 6 April, 2022 luahlanin kei, KULOTHUNGAN A, IAS, District Magistrate, Lunglei District hian Sec. 144 of Cr.P.C. 1973 in thuneihna min pek angin a hnuaia tarlan ang hian thupek thar ka chhuah e.

1. State dang leh ram dang atangin Vawk, vawksa leh Vawksa atanga siam eitur reng reng lakluh khap tlat a ni.
2. District leh district inkarah Vawk leh Vawksa lak luh a lak chhuah phal a ni lo. District chhungah khua leh khua pawh inlak pawlh loh tur a ni.
3. Vawk damlo reng reng talh leh hralh khap tlat a ni.
4. Vawk damlo chu dah hran vat tur a ni. Vawk thi reng reng thuk tak a phum bo tur a ni.
5. Vawk damlo leh thi an awmin AH & Vety Official-te hnenah hriattir vat tur a ni.
6. Hrileng darh zel loh nana Vawk suat duh ten district tin a AH & Vety. Department-ah dilna thehluh tur a ni.

He thupek hian Dt. 6 June, 2022 atanga thu leh awm hma chu hman a nih atanga thla 2 (hnih) chhung a huam ang a.

He thupek zawm lote chu Sec. 188 IP.C. hmanga hrem theih an ni. He thupek hi Dt. 6 June, 2022 hian Court Seal chhu a nemnghetin ka hming ka ziak hnan e.