No.490/2021-2022

Dated Khawzawl, the 12th May, 2021: Mizoram sawrkar, A.H & Vety Department lehkha No.D. 12016/21/2019- A.H&Vety dated 10.05.2021 tarlan anga Khawzawl khawpui chu African Swine Fever (ASF) hri awmna (affected area) ah puan a lo nih tak avang leh, Vawk tam takin an thih pui tawh avangin Pu Zothanmawia, District Magistrate, Khawzawl District chuan Khawzawl District-ah he hri hi a darh zel loh nan Sec 144 CrPC, 1973 (2 of 1974) in thuneihna a pek angin a hnuaia thupek hi Khawzawl District mipui te zawm turin a chhuah:

1. Khawzawl District chhungah District pawn khawi hmun atang mahin vawk, vawksa rep leh vawksa atanga thil siam reng reng lak luh phal a ni lo.
2. Khawzawl khawpui chhungah vawk dam leh damlo hralh emaw talha, a sa lakchhuah khap tlat a ni.
3. Vawk thi a awm chuan hmun danga phur kual lovin mahni compound-ah tha takin (6ft a thukah) chinai nen phum tur a ni.
4. Vawk thi phumna tur hmun neilote chu a veng neitu VC ten a phumna tur an ngaihtuah anga, Vety Department enpuina hnuaiah tha taka phum tur a ni.

He thupek zawm lo te chu thu buai siamsak an ni ang a, IPC Sec. 188 hmangin hrem theih an ni ang.

He thupek hian chhuah a nih vawiin, May ni 12, 2021 atanga thla hnih (2) chhung a huam ang.

He thupek hian thupek hmasa Order No.J 12012/1/2019-DC (KZL) dated 14.04.2021 chu a luahlan ang.