No.489/2021-2022

Aizawl, 12th May 2021 : Sports Minister Pu Robert Romawia Royte chuan Mizoram pawn State danga Election duty a kal lo hawte zinga Covid hripui vanga Rengdil, Thenzawl, Khawzawl, Lunglei leh Serchhip Covid Care Centre leh Covid Quarantine Centre a awm mek, Police 200 dawn lai te tan an Commandant theuhte kal tlangin zanriah a buatsaih sak a. Hun harsa tak karah huaisen leh tlawmngai taka state danga an duty tha taka an hlen chhuak chu chhuanawm a tiin an mawhphurhna an hlen chhuahna lamah vanduaithlak taka Covid hripui an rawn vei haw chu pawi a ti a. Dam chhuak thuai tur leh, Mizoram a covid hripui darh zel tur venhimna kawnga a hma tawnga ding leh thei thuai turin duhsakna a hlan a ni.

Pu Roberta chuan ramria harsatna leh Covid hripui kara Home Minister Pu Lalchamliana’n Police te a enkawl leh a ho khawm dan chu fakawm a ti a. State pawna election duty a chhuak, Police Covid hriveite chuan Sports Minister in duhsak taka zanriah a buatsaih sak chu lawmawm an ti hle a ni.