No.488/2021-2022

Lunglei the 12th May 2021 - Mizoram Sawrkar thuchhuak No.B.13021/101/2020-DMR/Vol-IV dated 07/05/2021 Para B (3) hnuaia Eichawp Dar leh Chawhmeh zawrhna Ningani (Thursday) a hawn phal chu Lunglei khawpui tana kalpui dan tur ngaihtuahin vawiin khan Lunglei DC Conference Hall-ah town area VLTF-te nen inrawnkhawmna neih a ni.

He hun hi Lunglei DC Pu Kulothungan A in kahruaiin Lunglei SP Pu Rex Zarzoliana Vanchhawng, CMO Dr LC Liana leh official dangte an tel a ni.

Bawrhsap leh District Level Task Force on Covid-19 Chairman ni bawk Pu Kulothungan A chuan Covid-19 hrilengin kiam lam pan lova zual lam a pan zel avangin kan himna tura sawrkarin dan zawm tur a duante zawm hram hram turin Lunglei District mipuite a ngen a. Covid-19 hrileng avangin nikum atangin hun rei tak harsatna kan hmachhawn karah VLTF-te tha thlah mai lova theihtawp anla chhuah reng chu ropui a tih thu sawiin an thawhrimna leh inpekna avangin an chungah lawmthu a sawi a ni.

Ni 13.05.2021 Ningani (Thursday)-a bazar chungchanga Ni 12.05.2021 a town area VLTF hruaitute nena thutkhawmin a rel bawhzuiin a hnuaia hriattirna hi Lunglei DC Pu Kulothungan A chuan a ti chhuak a ni.

1. Ni 13.05.2021 Ningani (Thursday) zing dar 5 atanga chawhma dar 10 thleng thlai leh sa zawrhna hmun te a inhawng ang a, bazar tur te chuan mahni chenna VLTF hriatpuina/remtihna lehkha an nei tur a ni a, chhungkaw pakhat atangin mi pakhat bak an chhuak tur a ni lo. Hemi hun chhung hian dawr dang inhawn phal a nilo.

2. Ningani (Thursday) chawhma dar 10 atangin SOP ina a phal chin eichawp leh nitin mamawh (essential commodities) dawr a inhawng ang-a, veng hrang hrang-a dawrkai ten mahni chenna veng VLTF te hriatpuina/ remtihna lehkha kengin wholesale dawr atangin an mamawh an lam khawm ang a (chhun dar 12 thleng phalsak an ni), mahni vengah an zuar chhawng leh ang. Vengchhunga dawr nei nilo te tan bungraw lak phal a nilo ang.

3. Chhun dar 12 atanga chawhnu dar 4 thleng Lunglei khaw pawn lam tan essential commodities lam khawm theih a ni ang a. Khaw pawn atanga bungraw la khawmtu tur VLTF te leh an lam khawmna tur veng neitu VLTF te chu in be rawnin ruahmanna an siam ang. Hemi hun chhung vek hian VLTF phalna lehkha kengin mahni vengchhung ah essential commodities lamkhawm theih a ni ang-a, chhungkaw pakhat atangin mi pakhat bak pawn chhuah khap a ni.