No.1903/2021-2022

Champhai, the 17th August, 2021: Vawk natna hri hlauhawm tak African Swine Fever (ASF) leng mekin ziaawm lam a la pan theih loh avang leh, he hrileng laka Champhai District him tlan nan District Magistrate Pi Maria C.T Zuali chuan Sec. 144 Cr PC, 1973 (Act II of 1973) in thuneihna a pek tlawhchhanin vawiin khan a hnuaia tarlan ang hian khapna thupek a chhuah.

1) Champhai District chhungah Myanmar atang leh State dang atanga vawk, vawksa leh vawksa atanga siam reng reng lakluh phal a ni lo.
2) Champhai District chhungah District dang atanga Vawk lakluh leh District danga phurh chhuah khap tlat a ni. Champhai District chhunga khua leh khua atang pawhin phurhchhuah khap a ni bawk.
3) Vawk thi a awm reng rengin paih mai lovin thuk taka phum zel tur a ni.
4) Vawk thi rinhlelhawm a awmin mahni bialtu Doctor/VFA/CAHW te hnenah report zel tur a ni.
5) Vawk damlo hralh emaw talh khap tlat a ni.

Thupek zawm lo tu chu IPC Sec. 188 hmanga hrem an ni ang. He thupek hian chhuah a nih (August ni 17,2021) atanga thla hnih (2) chhung a huam ang.