No.1904/2021-2022
Khawzawl, the 17th August, 2021: Vawk natna hlauhawm tak African Swine Fever (ASF) hri lenna (Infected area) ah Khawzawl District chhunga Khawzawl khawpui, Chhawrtui, Chawngtlai leh Kawlkulh North-te chu puan a lo ni tawh a. African Swine Fever (ASF) case hi Khawzawl District-ah a tla hniam hret hret niin a lang bawk. Hrilenna hmuna puan (Infected area) ah vawk engemawzat hri kai lo ni a hriat a awm avang leh vawk vulhtute harsatna sutkian a nih theih nan, Khawzawl District Magistrate Pu C.C Lalchhuangkima chuan Sec 144 CrPC, 1973 (2 of 1974) in thuneihna a pek tlawhchhanin a hnuaia thupek hi mipuite zawm turin a chhuah.
1. Khawzawl District chhungah District pawn khawi hmun atang mahin vawk, vawksa rep leh vawksa atanga thil siam reng reng lak luh phal a ni lo. Khawzawl District chhungah pawh khaw pakhat atangin khaw dangah vawk lakluh phal a ni lo.
2. Khawzawl District chhungah, African Swine Fever (ASF) case la tamna Chawngtlai khua tiam lovin, vawk hrisel tha ni a hriatte chu Animal Husbandry & Veterinary Department leh Village Council te hriatpuina
chauhin talh theih a ni ang. Vawk talh dan tur ruahmanna kimchang District Animal Husbandry & Veterinary Officer-in a siam vawk talh tur ten zawm vek tur a ni.
3. Vawk thi a awm chuan hmun danga phur kual lovin mahni compound-ah tha takin (6ft a thukah) chinai nen phum tur a ni.
4. Vawk thi phumna tur hmun nei lote chu a veng neitu VC ten a phumna tur an ngaihtuah ang a, Animal Husbandry & Veterinary Department enpuina hnuaiah tha taka phum tur a ni.
He thupek zawm lo te chu IPC Sec. 188 hmangin hrem theih an ni, hei hian thupek chhuah hmasa July ni 15, 2021 chu a luahlan nghal ang.
He thupek hian tihchhuah a nih (August ni 17,2021) atanga thla 2 (hnih) chhung a huam ang.
