No.178/2021-2022

Dated Khawzawl, the 18th April, 2021: Tun laia vawk natna hri hlauhawm tak African Swine Fever (ASF) leng mek laka Khawzawl District a him zel theihna turin District Magistrate, Pu Zothanmawia chuan Sec. 144 CrPC, 1973 (2 of 1974) in thuneihna a pek angin a hnuaia khapna thupek hi mipuite zawm turin a chhuah.

1) Khawzawl District chhungah District pawn khawi hmun atang mahin vawk, vawksa rep leh vawksa atanga thil siam reng reng lak luh phal a ni lo.
2) Khawzawl District chhung khua leh khua inkara vawk phur turte pawhin Community Health Worker, A.H & Vety. Department-te hriatpuina lak ngei tur a ni.
3) Vawk damlo an awmin District Veterinary Hospital-ah report vat tur a ni.
4) Vawk talh turte’n vawk hrisel tha chauh an talhin an zuar tur a ni.
5) Vawk vulhtu/neitute'n vawk damlo an hralh tur a ni lo.
6) Vawk thi reng reng uluk taka phum tur a ni.

He thupek zawm lo te chu thu buai siamsak an ni ang a, IPC Sec. 188 hmangin hrem theih an ni ang.

He thupek hian chhuah a nih atanga thla hnih (2) chhung a huam ang.

He thupek hian Order dinglai No.J. 12012/1/2019-DC(KZL) dated. 07.04.2021 chu a luahlan ang.