No.2874/2021-2022 

Khawzawl, 3rd November, 2021: Khawzawl District-ah African Swine Fever (ASF) case a tlahniam hret hret niin a lang a, vawk engemawzat hri kai lo ni a hriat a awm avang leh vawk vulhtute harsatna sutkian a nih theih nan Khawzawl District Magistrate Pu C.C Lalchhuangkima chuan Sec 144 CrPC, 1973 (2 of 1974) in thuneihna a pek tlawhchhanin a hnuaia thupek hi mipuite zawm turin a chhuah.

1. Khawzawl District chhungah District pawn khawi hmun atang mahin vawk, vawksa rep leh vawksa atanga thil siam reng reng lakluh phal a ni lo.

2. Khawzawl District chhung bikah khaw pakhat atanga khaw danga vawk lakluh, VFA emaw CAHW leh VC te hriatpuinain phal a ni.

3. Khawzawl District chhungah, vawk hrisel tha ni a hriatte chu Animal Husbandry & Veterinary Department leh Village Council-te hriatpuina chauhin talh theih a ni ang. Vawk talh dan tur ruahmanna kimchang District Animal Husbandry & Veterinary Officer-in a siam chu vawk talh tur ten zawm vek tur a ni.

4. ASF rinhlelh vawk damlo/thi a awm chuan rang taka report tur a ni.

5. Vawk thi a awm chuan tha takin (6 ft a thukah) chinai nen phum tur a ni.

He thupek hian tihchhuah a nih  atanga thla 2 (hnih) chhung a huam ang.

Mizoram sawrkar, Animal Husbandry & Veterinary Department thuchhuah No.D. 12016/21/2019-AH&V dated 10.05.2021 in a tarlan angin Khawzawl khawpui chu African Swine Fever (ASF) hri awmna (infected area) ah puan a lo ni tawh a. District Animal Husbandry & Veterinary Officer in Chhawrtui, Chawngtlai leh Kawlkulh North te chu July ni 27, 2021 khan 'The Prevention and Control of Infectious & Contagious Disease in Animal Act, 2009, Section 20, Sub- Section - I' tlawhchhanin African Swine Fever (ASF) infected area ah lo puang tawh bawk a ni.