No.2875/2021-2022 

Aizawl the 4th November, 2021 : I&PR Minister Pu Lalruatkima chuan tukin khan a bial chhung Tuikual North a tlawh. Khawtlang hruaitute nen Tuikual North, Suakpuia Mual-a motor kawng sial tlang dan tur an en ho a. Harsatna awm thei leh hnathawh ṭan dan turte an sawiho a ni a. Hei bakah hian Tuikual North VC House sak mek sak zawm dan tur an en nghal bawk.

Hemi hnu hian VC House-ah khawtlang hruaitute nen inkawmin Minister Pu Lalruatkima chuan hripui leng karah theih tawpin sorkar hma a la zel a, tunah chuan Pathian awmpuina leh Kohhran, khawtlang leh sorkar tanrualna zarah  hri pawhin ziaawm lam a pan ta mek a. Chak lehzualin hmasawnna hna pawh a thawh theih ngei a beisei thu leh kum tharah kuthnathawktute hnen SEDP-in a thlen ngei theih nan Chief Minister Pu Zoramthanga hovin hmalak mek zel a ni tiin a sawi bawk a ni.

Attachment

  • Loading attachment...