No.2876/2021-2022 

Aizawl, the 4th November 2021: Nimin Dt 3.11.2021 Chawhma dar 11:30 khan Aizawl DC Conference Hall-ah Sawrkar Laipui hnuaia Ministry of Tribal Affairs Scheme, Special Central Assistance for Tribal Development, Aizawl District a kalpui tura din District Planning& Monitoring Committee(DPMC) Meeting hmasaber neih a ni a. DPMC Meeting hi Aizawl Bawrhsap, DPMC Chairman ni bawk Dr Lalhriatzuali Ralte Kaihhruaina in neih a ni. 

Bawrhsap hian Member lawmna thu sawiin SCA for TD a hlawhtinna atana thil pawimawh hrang hrang, khaw Mipui te an inlungrualna pawimawhna te, Line Department te Khaw mipuite nen a inlungrual a an thawhho a pawimawh thu te, khaw mipuite mamawh tak hriatsak chunga Plan tha tak an siam a pawimawh thu te a sawi a. Khaw mipui te mamawh tak an hriatsak theihna tur atan awareness tha tak an neih a tul a tih thu leh he Scheme hi plan siam anih atanga tihhlawntlin anih thlengin Line department ten uluk taka an enpui a pawimawh a tih thu a sawi a ni. 

DPMC Meeting ah hian Scheme sawizauna Nodal Department tura ruat Social Welfare& Tribal Affairs Department atangin ngaihthlak a ni a. Thil pawimawh tak tak relho a ni bawk.

Special Central Assistance for Tribal Development (SCA for TD) hi Central Sawrkar hnuaia Ministry of Tribal Affairs Scheme ani a, he Scheme hnuaiah hian Central Sawrkar Sum hmangin Central Sawrkarin Mizoram a thingtlang khua thlanbik 344 ah tun Sawrkar Kum kal mek leh Kum 5 dang lo la awmtur atana hmasawnna hna thawhna tur Scheme a ni. Special Central Assistance for Tribal Development (SCA for TD) hnuaiah hian Khaw thlanbik ten kum 1 ah Rs.20.38 Lakhs hmasawnna hnathawh nan an dawng thei dawn a, he Scheme hnuaiah hian Aizawl District ah khaw 40 te chu tun Sawrkar Kum kal mek atanga kum 5 dang lo awm tur atana hmasawnna hna thawh na tur atana thlan an ni.

Attachment

  • Loading attachment...