2375/2022-2023
Champhai, the 19th October, 2022: Vawk natna hri hlauhawm tak, African Swine Fever (ASF) chu State dang leh ram dang atanga Champhai District rawn thleng leh thei reng anih avangin he hri laka Champhai District him theihna turin District Magistrate, Pu James Lalrinchhana chuan Sec. 144 CrPC, 1973 (Act II of 1973) in thuneihna a pek angin a hnuaia khapna thupek hi a chhuah.

1) Champhai District chhungah ram dang leh state dang atanga vawk, vawksa leh vawksa atanga siam reng reng lakluh phal a ni lo.
2) Vawk damlo talh khap tlat a ni.
3) Vawk damlo a awm chuan dah hran vat a, vawk thi reng reng thuk taka phum tur a ni.
4) Vawk thi leh damlo an awmin A.H. & Vety Official-te hriattir vat tur a ni.
5) Hrileng darh zel lohna tura vawk suat duh chuan A.H. & Vety Department-ah dilna thehluh tur a ni.

He thupek zawm lo tu chu IPC Sec. 188 hmanga hrem an ni ang. He thupek hian thupek awmsa a luahlan (supercede) anga, chhuah anih (18.10.2022) atanga thla hnih (2) chhung a huam ang.