Vawiin khan State Agriculture Management & Extention Training Institute, Mizoram (SAMETI) buatsaih On-Campus Training on Apprenticeship in ICT for middle level Officers chu Pi Vanlalrawni, Add. Secy. Agri. Dept. chuan NeGPA Hall, Agriculture Complex, Aizawlah a hawng. 

Pi Vanlalrawni chuan, Central sorkarin Difital India a kalpui dan leh Report and Return leh thil engkim mai internet hmanga online a tih zel a tul tak avangin Officer te pawh IT lama kan kan intuaihriam zel a tul zia sawiin, chutiang hria a SAMETI in Officer te tana hetiang training a buatsaih hi thil lawmawm, hmasawnna atan a thil pawimawh a nih thu a sawi. 

Training hawnna hun hi Pu R.K. Nithanga, Director, SAMETI in a kaihruai a. Sorkar Officer te tana Computer thiamna neih a tul takzet thu leh chumi kawnga intuaihriamna huntha neih theih a ni chu kan vannei hle a ni a ti. Heng Department hrang hrang - Agriculture, Horticulture, AH&Vety, Soil & Water Conservation, Fisheries leh Sericulture atang a Officer kalkhawm te chu IT lama hmasawn ngei tura inzir turin duhsakna a hlan a ni. 

Ni 3 chhung awh tur trainingah hian office hnathawhna atana Computer hman dan chi hrang hrang te zirtir an ni ang. National e-Governance Policy-Agriculture atanga siam Computer Laboratory-ah practical class an nei nghal zel dawn a ni.