Vawiin dar 10:00 AM khan Dr Lalzarliana, Director Of Agriculture (CH) chuan Hnahthial a RKVY sum hmang a sak SDAO Office leh SDAO quarter a hawng.

Hawnna inkhawm hi Pu J.Rothanga, DAO Lunglei chu chairman ni in Khuallian Dr.C.Lalzarliana chuan thu sawiin vawiin ni a SDAO Office leh Quarter hawn theih ani hi lawmawm a tih thu a sawi. Hnahthial bial in Agriculture hmun changtluk tak an nei chho ta hi lawmawm a tih thu a sawi bawk. A sawi zel na ah Dr.C.Lalzarliana chuan ram hmasawn leh ram ropui nitur chuan mahni kut leh ke hmang a hausak hi a pawimawh ber a, Pathian in lei tha tak min pe a chumi hmang chuan eizawnna nghelnghet neih kan tum tur ani a, ram leilung atang a hausakna bak hi hausakna thianghlim a awm lo ati. Thawktute pawh nasa lehzual a mipui rawng an bawl a ngaih thu sawiin hmasawnna thar Hnahthial Sub Division in a hmuh ngei a beisei thu a sawi ani.

SDAO Office hi kum 2012-2013 khan cheng nuai sawm sunction ani in bul tan ani a, sum hian a daih loh avang in Department in sum remchang dang zawng in tunah hian zawh ani ta ani. SDAO Quarter hi cheng nuai 15 seng a sak ani bawk. Pu Lalringliana SDAO, Hnahthial chuan lawmthu sawina a nei ani.

Hemi ni vek chawhnu dar 2:30 hian Dr.C.Lalzarliana, Director Of Agriculture (CH) chuan Lunglei chanchinbu mite nen thingpui in hona leh inkawm hona Agriculture Conference Hall Lunglei ah a hmanpui a, kum kal ta chhung a Lunglei District Agriculture hmalakna leh hmasawnna te a sawipui a, Agriculture hmalakna chungchang print media leh cable tv ten anlo pho chhuah sak thin chu lawmawm a tih thu a sawi bawk. Tin, HPC Lunglei chu Infrastructure developement lam a nasa tak a Agriculture Complex, Lunglei thuam mawitu ani a ti bawk.

Tun hnai ah Agriculture Department hian Lunglei District chhung ah Land Developement, Link road laih, Oil palm chin, Custom hiring hnuai a tractor pek chhuah, subsidy a power tiller pek chhuah, buh chi tha pek chhuah, tegnology thar hmang a buh chin leh adang tam tak an khawih thu a sawi ani.