Parliamentary Secretary Pu Joseph Lalhimpuia chuan nimin chawhma khan District Industries Centre, Siaha a tlawh a, thawktute nen inkawmna hun an hmang.
Pu Joseph Lalhimpuia chuan Industries Department hma lakna hrang hrang sawiin, mipuite’n tangkai zawka an chhawr theih turin ruahmanna tam tak kalpui mek a ni, a ti a. Siaha District-ah hian Handloom Cluster pahnih (Siaha leh Tuipang)-ah Mara Autonomous District Council kal tlanga hma lak mek a nih thu leh hemi atan hian Rs nuai 200 lai ruahman a nih thu a sawi a. Thawktute chu nasa lehzuala thawk tura chahin, harsatna leh mamawh an neih a hnena an thlente chu a tul anga bawhzuisak nghal a tum thu a hrilh a ni.
District Industries Centre, Siaha-ah hian District Manager hovin thawktu mi 20 vel an awm a. He Centre hnuaia Knitting & Tailoring Training Centre chu Pu Joseph Lalhimpuia hian a hmunah a tlawh nghal bawk.
Parliamentary Secretary hi Mara Autonomous District Council Executive Member i/c Education Pu Zakhai leh RMSA Deputy DPC Pu Chatlua te’n an tawiawm a ni.
