New Delhi a cham mek Chief Minister Pu Lal Thanhawla chuan vawiin tlai khan Union Minister of State (Independent Charge) for Petroleum & Natural Gas Pu Dharmendra Pradhan chu a office, Shastri Bhawan ah hmuin, Mizorama tuialhthei (oil) leh natural gas zawn mek hna thawh muang lutuk chungchang a sawipui.

Chief Minister chuan Mizorama oil leh natural gas zawn hna hmun thuma thawk tura kum tam tak kal ta a company pathum thlan ten an hnathawh a chak tawklo tih Union Minister hi a hrilh a. Mizoram chhim lama thawk tura thlan phei chu a inhnuhdawh leh avangin, company dang thawk tur tifel thuai turin a ngen nghal a. Tuna Mizoram hmar lam leh Mizoram hmun laili a thawk mekte pawhin chak zawka hna an thawh theihnan hmalakpui turin Uniom Minister hi a sawipui bawk a ni.

Chief Minister hi Pu Umakant, OSD, Mizoram House, New Delhi in a tawiawm a ni.