Tukin zingkarah khan Agriculture Minister Pu R. Lalzirliana hovin Finance Minister Pu Lalsawta, UD&PA Minister Pu Zodintluanga leh Lunglei West bialtu MLA Pu Chalrosanga bakah sawrkar official-te leh NECS hotute chuan Agriculture Department Directorate Complex-a motor parking sakna tur hmun an enfiah.

Agriculture Minister Pu R. Lalzirliana chuan kalkhawmte hmaah thusawiin sawrkarin hun reilote chhungin Aizawl khawpui hi khawpui nuam taka siam a tum a ni, a ti a. Coordination Committee on Traffic Management-in kawng hrang hranga ngaihtuahna a sen thu tarlangin Minister chuan taxi in tlanchhawk tir tura ruahmanna peih a nih tawh a, Aizawl khawpui chhunga lirthei neitu zawng zawngten garage an neih theih nan nasa zawka hmalak mek a ni, a ti bawk. Agriculture Department hotuten Department ramchhunga motor tam tak park theihna hmun tur ruahmanna an nei chu lawmawm a tih thu sawiin Minister chuan sawrkar department dangte pawh mipui hamthatna tura ngaihtuahna seng tam tur leh sawrkar hmalakna apiang thlawp zel turin a ngen bawk.

Parking sak nan hian North East Consultancy Services (NECS) ten Detailed Project Report siamin an bawhzui nghal dawn a ni.