2400/2024-2025

AIZAWL; the 5th October, 2024: Vawiin chhun dar 12 khan Prime Minister of India, Shri Narendra Modi chuan Kuthnathawktute tuamhlawmna Scheme pui ber PM KISAN hnuaia Beneficiaries te pawisa dawng thei tur a State Department hmalakna chu a takah chantirin, Washim, Maharastra atangin Direct Benefit Transfer in India ram a kuthnathawktute mihring 10 Crore chuang hnenah pawisa a sem chhuak. 

 He scheme hi kum 2019 atanga bul tan niin, tunah hian Agriculture Department hmalakna in kalpui chhunawm zel a ni a. Khawvel a kuthnathawktute hamthatna tur DBT hmang Digital Marvel lian ber a ni. He scheme-a in ziaklut te chuan thla li danah Rs. 2000/- theuhin kum khatah Rs. 6000/- an account ah Direct Benefit Transfer (BDT) hmangin an dawng thin a ni.

Vawiinah hian Mizoram a kuthnathawktute (farmers) mi 1,10,279 hnenah Rs. 31.6782 Crore sem chhuah a ni. Hei hi kum 2024 chhunga 2nd installment a ni.

Tunah hian farmers te details chhuichhuah theih loh leh, chinfel ngai leh paih ngai tam tak hmuhchhuah mek a ni a. Tin dawng tlak ngei te la in register lo tan in register thar theih reng a ni bawk e. 

Hrechiang duh chuan mahni awmna District Agriculture Office hrang hrang ah leh Directorate-ah, Project Monitoring Unit- PM KISAN-ah office hun chhung a zawhfiah leh ngaihven theih reng a ni e.

He PM KISAN 18th installment release-na hun hi Pi Ramdinliani, Spl. Secretary, Agriculture & Farmers Welfare leh Director, Additional Director, Joint Director of Agriculture ten online -in an zawm ve a ni.