Vawiin hian Agriculture Department Conference Hall, Serchhip-ah Department of Agriculture (Crop Husbandary) Aizawl leh District Agriculture Office, Serchhip tangkawpin Serchhip District-a NEDP Purunsen ching turte tan Training  an buatsaih.

He Framers Training hi Pu Lalringliana, SDAO Serchhip chuan kaihruaiin, kumin thlasika Purunsen ching tura thlante hi New Economic Development Policy (NEDP) hnuaia thlan an nih thu a sawi a. Purunsen ching tur hian Serchhp District chhung khaw hrang hrang 8(pariat) atangin chhungkaw 80 thlan chhuah an ni a, NEDP atangin chhawmdawlna leh tanpuina awm thei ang angte pek an nih tur thu a sawi bawk. Department lam atanga inbuatsaih ngai ang angte pawh inbuatsaih fel ni tawhin, loneituten theihtawp chhuah a, hlawhtling ngei tura tan lak erawh an tih ve tur anih thu a sawi a ni.

He Training-ah hian Pu Vanlalhmuaka Ngente, Scientist (Horticulture), KVK N. Vanlaiphai chuan Purunsen kui tiah dan te, a chin dante leh enkawl dan turte bakah damdawi hman a ngai anih pawh a, a hman dan turte uluk takin a lem nena entirin a zirtir a. Pu Hmuaka chuan sawrkarin duhsak taka a chhawmdawlna atang hian Purunsen kham khawp thar chhuak ngei tura hnathawk tura fuihin, depertment lam chu anmahni tanpui turin an inhawng reng a ni a ti a, hlawhtling tura bei tak tak ngam lo tur chu inhnukdawk ngam mai zawk turin a ngen a ni.

He hunah hian zawhna leh chhanna hun hmangin, loneituten harsatna an tawh thinte leh hriat duh an neihte pawh tha taka sawi ho a ni.