Vawiin khan Pu K.S.Thanga, Parliamentary Secretary, Agriculture Department chuan 'Pilot Project on Farm Mechanisation' programme hnuaia loneitute tan Tractor a sem. He programme hnuaiah hian loneitute tan Sawrkar chuan Tractor subsidy Rs. 2,00,000/- a ruahman a, hemi hmang hian loneituten tractor an duhzawng an lei ta a ni.
He inkhawm Pu P.Bhattacherjee, Director of Agriculture (Crop Husbandry ) kaihhruaiah hian Pu K.S.Thanga.Khuallian Pu K.S.Thanga chuan he programme hnuaia loneitute tana Power Tiller leh Mini Power Tiller 514 NLUP hmalakna hnuaiah sem tawh a nih bakah tuna sum tlem zawk senga loneituten Tractor an lo neih theihna tura sawrkarin kuthnathawktute duhsak leh hmangaih taka ruahmanna tha tak a buatsaih chungchangah lawmawm a tih zia te, heng khawlte hmang hian Mizo thalai tam takin phur takin hna an thawh phah zel dawn a ni, a ti a. Khawl hmanga hnathawh hian buh leh bal tam zawk tharchhuak turin nasa taka a puih bakah kum khata thlai vawi hnih thar tur chuan khawl chakna tel lo chuan tih theih a ni lo va. Hetianga loneituten awlsam zawka khawl hman tur an lo neih chuan ei leh bar tharchhuahnaah nasa takin hma kan sawn dawn a ni a ti bawk. Parliamentary Secretary chuan sorkar ruahmanna tha tak hnuaia khawl leitute chu dik tak leh tangkai taka hmang ngei tura a duhsak thu a sawi a, sawrkar ruahmanna anga hmang lote chu an intiamkamna ang ngeiin anmahnin an la tuar dawn a ni a ti.
Vawiin a tractor semna hun Agriculture conference hall a neih hmanpui vetu NLUP Implementing Board Chairman Pu R. Selthuama pawhin thu sawiin sorkar chuan mipui leh ram tana thawh chu a tum ber niin hemi atan hian buh leh bal tam zawk thara intodelh chu a tum a ni, a ti a. Buh leh bal hlawk zawk a thar theih nan khawl hman tangkai chu sorkarin a ngaipawimawha, chuvangin khawl dawngtu ten dik leh fel taka an hman tangkai chu an lawmthusawina tur a ni ang a ti.
Vawiin inkhawm ah hian tractor dawngtu kuthnathawk mi thahnem tak bakah sorkar mipawimawh engemawzat an tel a ni.
Vawiin a tractor semna hun Agriculture conference hall a neih hmanpui vetu NLUP Implementing Board Chairman Pu R. Selthuama pawhin thu sawiin sorkar chuan mipui leh ram tana thawh chu a tum ber niin hemi atan hian buh leh bal tam zawk thara intodelh chu a tum a ni, a ti a. Buh leh bal hlawk zawk a thar theih nan khawl hman tangkai chu sorkarin a ngaipawimawha, chuvangin khawl dawngtu ten dik leh fel taka an hman tangkai chu an lawmthusawina tur a ni ang a ti.
Vawiin inkhawm ah hian tractor dawngtu kuthnathawk mi thahnem tak bakah sorkar mipawimawh engemawzat an tel a ni.
