A nihnih-na atan vawiin khan Agriculture Director, Dr.C.Lalzarliana hovin Directorate of Agriculture( Crop Husbandry)-a Officer-te chuan District hrang hranga DAO te Video Conference an neih pui.
He Video Conference-ah hian Watershed Development Programme hnuaia NWDPRA leh WDPSCA Scheme-a District Officer-te hmalak tawh dan leh a hlawhtlinna te sawi ho a ni a, RKVY hnuaia WRC-I leh WRC-II-a hnathawh tawh chin leh hma lak zel dan tur te, NLUP hnuaia Agriculture Sector bika hma lak dan te, NLUP beneficiary te dinhmun leh verification an lak dan leh hnathawh an enzui pui dan te an sawi ho.
Macro Management of Agriculture hnuaia hmalakna hrang hrang - Demonstration chi hrang hrang an kalpui dan te, Improved Package of practice hnuaia buh leh thlai dang chin dan tur te, buh thar tam kum atana inbuatsaihna chi hrang hrang te, SRI hmanga buh chinna tur hmun leh a chingtu tura ruahmanna an siam tawh dan te an sawi ho bawk.
He Video Conference-ah hian abik takin NLUP hnuaia beneficiary-ten Agriculture Sector hnuaia hma an lak dan te, DAO leh a staff ten theihtawp chhuaha an enpui dan leh hlawhtling ngei tura tan an lak ho dan te sawiho a ni a, District hrang hrangah kalphung inang tlanga tih dan tur te an sawi ho nghal. RKVY hnuaia hmalakna abikin WRC-I leh WRC-II ah te, Oil Palm chin chungchanga hma lak dan te, thingtlang loneih tihhmasawnna atana inbuatsaihna te sawiho a ni bawk. DAO te report danin tunah hian Oilpalm chin theihna hmunah chuan Oilpalm tiak te chu phun turin pek chhuah mek a nih thu dawn a ni. District hrang hranga hmalakna hlawhtling awm tawh te DAO te hnen atangin ngaihthlak a ni a, kumin hi BUH THAR TAM KUM a nih angin a Agriculture Programme hrang hrangte a theih ang anga Buh thar tamna atana tangkai taka hmang theuh turin DAO te chu fuih nghal an ni.
Agriculture Department chuan Video Conference neih hi a remchang dan angina tih chhunzawm zel an tum.
