Vawiin khan Agriculture Conference Hall, Aizawl-ah Agriculture department officers & staff ten Kumthar inhlantharna an nei a. He hun hi Pu C. Lalzarliana, Joint Director of Agriculture-in a kaihruai a; Pu C. Lalniliana, Joint Director (MMA) in inhlantharna hunserh a hmang bawk.
Agriculture Department officers leh staff te fuihna thu sawiin Pu P. Bhattacharjee, Director of Agriculture (Crop Husbandry) chuan sawrkar duh dan leh ruahmanna tihlawhtling turin, a te ber atanga a lal ber thlengin intanpui tawn a, tangtlang turin department hnathawkte a chah a. Sawrkar tharin mithiamte a dah pawimawh em em avangin Agriculture mithiamten an thiamna te chu loneitute leh mipui tana tangkai zawka hmang tur an ni, a ti. Department hmasawna pawimawh tak pakhat Mizoram Agriculture Service Rules neih thuai tur chu a tarlang bawk a ni.
