Home Minister Pu R.Lalzirliana hoin vawiin khan a Chamber ah Krismas leh kumthar Mizoram mipuiin kan hman dan an thlir let a; a lungawi thlak hle a ni an ti. Home Minister chuan, ‘Rorelna tha leh dik roreltuten kan duan thiam chuan mipuiin zawm an harsat lo a ni’ a ti.
Home Minister Pu R.Lalzirliana chuan Mizoram puma kum 2009 Krismas leh kumhlui thlah zan kan hman danah Sorkar, NGO leh Kohhran hote tanrualna avang a Halpuah halri awm miah lova kan hmang liam ta mai kha Pathian Malsawmna liau liau a ni a ti a. Mizoten kum sawmnga bawr vel atang a Krismas leh Kumhlui thlah zan a piang a halpuah hal ngei ngei tur ang a ngaihna thinlung kan lo put tawh hnu a Halpuah leh Halmawi lam tel miah lova kan han hmang thei hi thil chhinchhiah tlak a tling tak meuh a. Mizoram mipui zawng zawng chungah lawmthu ka sawi nawn a ni a ti.
Pu Zira chuan hun reitak kohhranin ‘Zan ven Inkhawm’ kan lo neih thin pawh hun engemaw atang kha chuan hmang hlei thei lovin Halpuah hal nan leh thlir nan hmun kan lo kian hial tawh a. Kuminah hmun tam takah zanlaiah kohhran hoten Zanven Inkhawm kan han hmang thei leh ta a, a lawmawm tak zet a ni a ti. Tun tumah thaalaite tan zanlaiah Concert hmun tlemteah Central YMA te nene tang hoin kan siam thei bawk a, a zawng chhang thlak hle turah kan ngai a ni a ti.
Puanzar tawh thin angin khawpui chhung leh District Hqrs tina Branch YMA Halpuah leh Halmawi lam chi khap thate hnena lawm man siam tur pawh a pumpui a a hlawhtlin tak vek avangin Committee chuan lawmthu a sawi rualin Branch zawng zawng 191 te hnenah lawmman atan Cheng sangkhat bawr vel theuhin a sem ta a. Hei hi CYMA hotuten an buaipui dawn a ni.
He committee ah hian Home Commissioner, Pu Lalmalsawma, Aizawl DC Pu C.Thanchhuma, DIG Northern Range Pu L.Hrangnawna leh Addl. Secretary Pu TV Fambawl te bakah Department hrang hrang hotute an kal tha hle a ni.
Pu Zira chuan hun reitak kohhranin ‘Zan ven Inkhawm’ kan lo neih thin pawh hun engemaw atang kha chuan hmang hlei thei lovin Halpuah hal nan leh thlir nan hmun kan lo kian hial tawh a. Kuminah hmun tam takah zanlaiah kohhran hoten Zanven Inkhawm kan han hmang thei leh ta a, a lawmawm tak zet a ni a ti. Tun tumah thaalaite tan zanlaiah Concert hmun tlemteah Central YMA te nene tang hoin kan siam thei bawk a, a zawng chhang thlak hle turah kan ngai a ni a ti.
Puanzar tawh thin angin khawpui chhung leh District Hqrs tina Branch YMA Halpuah leh Halmawi lam chi khap thate hnena lawm man siam tur pawh a pumpui a a hlawhtlin tak vek avangin Committee chuan lawmthu a sawi rualin Branch zawng zawng 191 te hnenah lawmman atan Cheng sangkhat bawr vel theuhin a sem ta a. Hei hi CYMA hotuten an buaipui dawn a ni.
He committee ah hian Home Commissioner, Pu Lalmalsawma, Aizawl DC Pu C.Thanchhuma, DIG Northern Range Pu L.Hrangnawna leh Addl. Secretary Pu TV Fambawl te bakah Department hrang hrang hotute an kal tha hle a ni.
