Agriculture Department (Research & Education) chuan vawiin khan Agriculture Conference Hall, Aizawl-ah an Department hnathawh leh hmalak mekte thlirhona an nei. He hun hi Agriculture Director pahnih Pu H.Thankhuma, Agriculture Director (Research & Education) leh Dr. C. Lalzarliana, Agriculture Director (Crop Husbandry)-te chuan hmanpuiin, Agriculture (R&E) hnuaia Officers leh Scientist mi 80 an kal khawm a ni.

Agriculture (R&E) hian Mizoram a KVK (Kuthnathawktute in zirna hmun) District 7 a mi leh ITC, (Gram Sevak Training na) Hnahthial bakah Agriculture Farm-te an enkawl mek a. Heng KVK tinah hian Agril. Horticulture, Veterinary, Fisheries, Home Science, Agril. Engeneering etc. a mithiam (Scientist) pasarih (7) theuh an awm a ni. Heng scientist te hian Mizoram tana hlawk leh tha - thlai, thei, ran, sangha, kuthnathawktuten an hmuh theihna turin Research an bei mek a. Mizoram tan a thlai, thei leh ran vulh tur tha an hmuchhuak teuh tawh a, chungte chu :-

1. Buh chi tha – CAUR-1, Aizawng, Piolee, RCM-10 Shahsharang, Basundra.

2. Bawkbawn – RCMBL-1, RCMBL-2

3. Wheat – PBW – 152

4. Dal – JL-3 ( Masur Dal)

5. Matar chana – VL Matar – 42, Arkel

6. Kiwi fruit

7. French Bean – Arka Anoop

8. Alu – Kufri Chandramukhi, Kufri Joyti

9. Strawberry – Sweet Charlie

10. Zikhlum – Bahar, Ryzoki, Golden acre.

11. Tomato – Samrudi

12. Purunsen – Matahari

13. Parbawr – Aishwarya

14. Ar – Vanaraja, Giriraja.

Heng bakah hian thil tam tak kuthnathawktute tana tangkai tur hmuhchhuah tawh niin, Mizoram District tina kuthnathawktute mamawhna apiangah heng mithiamte hi koh leh pan theih reng an ni.

ITC Hnahthial-ah hian (Farmer lehkhathiam) zirlai mi 55 an awm mek a, heng zirlaite hi sorkara thawk tawh sa leh la thawk lo te an ni. He hmun atang hian mi 650 chuang zirchhuak tawhin, sorkar hna hmuh nan an hman tawh bakah mahni ke a din theihna tur atan an hmang tangkai mek a ni.