No.727/2020-2021

Agriculture Director Pu Rohmingthanga Colney hovin District Agriculture Officer-te leh District hrang hranga Field Officer leh Field Staff ten Video Conference hmangin vawiin khan meeting an nei.

He Video Conference-ah hian SEDP hnuaia Vaimim chin chungchang sawiho a ni a. District hrang hranga Vaimim chinte a hlawhtlin theihna tura Action Plan an siam te sawihoin Fall Army Worm-in a khawih chhiat lohna tura ruahmanna te pawh an sawiho a ni.

Tun dinhmunah SEDP hnuaiah Vaimim Acre 2,500-a zauvah chin mek a ni a, him taka thar anih theih chuan Quintal 20,000 vel thar tura beisei a ni.

District tinah SEDP Vaimim te hi a enkawl tur bik Field Officer leh Field Staff-te inruat vekin Farmers Interest Group (FIG) leh Farmer Producers Organisation (FPO) te dinin loneituten sum tam zawk an lakluh theihna tura ruahman a ni.

Pu Rohmingthanga chuan DAO leh Field Officers te chu COVID-19 avanga buh leh bal thar a tlakhniam lohna tur leh loneitute harsatna sutkian pui zel turin a chah a. Hetiang hun harsa-ah hian Sorkar leh mipuite beisei ang ngeia theihtawp chhuah turin a chah bawk.