No.1715/2021-2022

Dated Serchhip, the 6th August, 2021: Vawiin hian Pu Rohmingthanga Colney, Director, Agriculture Department chuan Serchhip District Agriculture Complex chhunga hmasawnna thar hrang hrang, Machinery House cum FOCUS District Project Manager Office te, Specialised Storage Facility cum Feed Mill Building te, Collection, Aggregation & Grading (CAG) Unit Building te leh DAO Office a Committee Room cum Video Conference Hall thar te a hawng.

Heng thil lawmna inkhawm hi Pu Tlangtimawia Zote, DAO kaihhruaiin Committee Room cum Video Conference Hall tharah hian buatsaih zui a ni a. He hunah hian Pu Rohmingthanga, Director chuan FOCUS Annual Report leh Success Story Book te tlangzarh lehin thusawina hun a nei zui a ni. Director chuan vawiina Serchhip District Agriculture Complex chhunga hmasawnna hmel thar duhawm tak tak pali ngawt mai hawngtua a tang theitu lawmawm a tih thu leh vannei a intih thu a tarlang a, a thil hawnte chu sak an nih chhan ang ngeia tangkai taka hmang zui turin thawktute leh loneitute a chah a ni. Serchhip District chu hman ata tun thlengin Agriculture hmalakna kawng tinrenga kan chhuanvawr a ni a, hmalakna tinah fak tlakin hna in thawk thin tih kan hria a ni. Midangte tana entawn tlak ni chho zel turin kan beisei tlat cheu a ni, a ti. Tin, sik leh sa lo danglam chho hret hret mila loneitute pawhin hma kan lak thiam a tul a, KVK, ATMA, FOCUS leh DAO thawktute nen inberawn chung zela hma lo la zel turin ka ngen cheu a, kawng hrang hranga in harsatna in rawn thlen te chawplehchilhin kan tifel nghal mai thei lo anih pawh in tan he Department hian theihtawp a chhuah zel dawn a ni, a ti.

Heng building tharte sak dan report tlangpui Pu K. Laltlanmawia, BAO, Serchhip chuan a pe a. Conference Hall ni lo building tharte hi RKVY-RAFTAAR atanga sakte an ni hlawm a, Feed Mill khawl tak hi kawngah an thang mek avangin tunah bun fel a la ni chiah lo tih a sawi. DAO Committee Room cum Video Conference Hall erawh chu Office sum awm ang anga an siam a nih thu a tarlang a ni. Tin, FOCUS Annual Report leh Success Story vawiina Director in a tlangzarh tak chu annual report an buatsaih pahnihna a nih thute, Mizoramah Serchhip chauhvin FOCUS Annual Report leh Success Story an siam thin thute a tarlang a ni.

He hunah hian ATMA Serchhip District hmalak dan tlangpui Pi Lalchhuansangi, Project Director, ATMA in a pe a, DMU-FOCUS hmalak dan tlangpui Pu Dominic Lalremsiama, AM(P) in pein, KVK N. Vanlaiphai hmalak dan tlangpui Dr. T. Vanlakngurzauva, Sr. Scientist & Head in a pe a, DAO Serchhip hnathawh dan tlangpui Pu R. Lalrinawma, ADAO chuan a pe bawk a ni.

He hunah hian Pu RK. Nithanga, Jt. Director (Agri), SPD FOCUS te, Dr. Samuela, DD(Agri) te, Serchhip khawpuia loneitu aiawhte, New Serchhip North VC aiawhte, Chanchinbumite leh sawm bik official te an tel a ni.