Loneitute tana buatsaih Agriculture Farmers ID Card chu Lunglei District huam chhunga mite tan vawiin khan Parliamentary Secretary Pu S.Laldingliana’n a sem.

He mi pual inkhawm Lunglei a Agriculture Farmers Conference Hall a buatsaih ah hian thu sawiin Parliamentary Secretary chuan Loneitute hamthatna ngaihtuaha an tan bik liau liau a siam Identity Card chu hman tangkai turin a dawngtute a chah a. Rethei dawm chhuahna tura hmalakna pui ber NLUP duan a nih dan leh hlawhtlinpui ngei tura fuihin tihtakzetna leh thawhrimna a pawimawh hmasa ber a ni a ti. Pu Laldingliana chuan Bangladesh nena insum dawn tawnna tur chak taka kalpui a nih thu leh chhim lam kawtchhuah hman tangkai a ram dangte nen insumdawn tawnna tur ruahman mek te chu tihpuitling anih hun ah Lunglei district chuan a zar a zo nasa hle dawn a chuvangin loneitu leh kuthnathawktute chu an mahni zawn theuh a lo in buatsaih lawk turin a fuih a ni.

ID Card sem inkhawm hi Lunglei District Agriculture Officer Pu R. Lalnunzira’n a kaihruaia. ID Card siam chhuah dan leh a hman tangkai theih dan kawng hrang hrang  Agriculture Extension Officer Pi Baby Lalremkimi\'n a hrilhfiah a ni.