Vawiin khan District Agriculture Office, Lunglei chuan an Agricultural Conference Hall-ah RKVY leh NFSM hnuaia tanpuina chi hrang hrang semna hun an hmang.

Tun tum hian kum 2014-2015 chhung Rice Production Programme atana sum pek turte hnenah tanpuina pek a ni a, Lunglei District chhungah hian Rs.55.20 lakhs lai sem tur a awm a. Hengte hi a huho zelin Circle 10-ah sem turin an duang a; Thingfal, Thingsai leh Hnahthial-ah sem ni tawhin vawiin khan Lunglei leh a chhehvel khuate sem a ni leh ta a ni.

Vawiin vek khan Improved Jhum atan mi 50, Line Transplanting atan mi 30 leh NFSM hnuai atan mi 59 thlanchhuahte hnenah tanpuina sum pek nghal a ni a, a vaiin Cheng nuai 6.175 sem ral a ni.