Vawin dar 10:00 khan DC Office bula, E District  leh  State Data Centre hawnna Addl DC Mamit in hawnna a nei.

Hawnna hun hi Pu Victor Lalawmpuia SDC Mamit chuan kaihruiin, Pi Lalbiaksangi Addl.DC Mamit chuan E-District leh State Data Centre chu tangkai taka hman nih theih nan leh mipui ten awlsam zawka onlie hmanga certificate hrang hrang an lak chhuah theih nan hawnna a nei.

E District ah hian office dawr kher ngai lovin online hmangin  Tribal, Residential, Income certificate  etc. te pek chhuah theih a ni tawh dawn a ni.

Hemi hnu hian  DC Conference Hall Mamit-ah  programme hman zui nghal niin, Pu Victor Lalawmpuia SDC Mamit chuan kaihruaiin, Pu Lalremmawia E Dist Manager chuan E- District hawntak chungchanga hriattur awmte sawina hun hmangin, zawhna awm thei te zawhna hun leh chhanna hun hman a ni bawk.

Pi JH Lalparmawii IPRO Mamit chuan lawmthu sawina a nei a ni.

E District hnuaiah hian Mamit District chhunga online hmanga certificate hrang hrang lak chhuahna tur  Common Service Centre (CSC) 37 siam ani tawh bawk. Hemi hnu hian Govt Mamit College ah leh Govt Higher Secondary School Mamitah Digital India week kalpui  a ni a. Pi JH lalparmawii  IPRO chuan kaihruaiin,  social media leh Cyber Security chung chang Pu Victor Lalawmpuia SDC leh Pu PC.Laltanpuia SDPO ten zirtirna an pe a ni.

He mi huna ah hian zirlaite zawhna hrang hrang chhanna hun hman a ni bawk.